سولومن جزیرے میں شدید زلزلہ، بڑا حصہ بجلی کی فراہمی سے محروم


سولومن جزیرے میں شدید زلزلہ، بڑا حصہ بجلی کی فراہمی سے محروم

سولومن (92 نیوز) – مالینگو کے جنوب مغربی خطے کے قریب واقع سولومن جزیرے میں شدید زلزلے کے جھٹکے، بڑے حصے کو بجلی کی فراہمی معطل ہوگئی۔

سولومن جزیرے میں زلزلے کی شدت 7 اعشاریہ ریکارڈ کی گئی ہے۔ تاہم اس میں فوری طور پر کسی جانی نقصان کی اطلاع نہیں ملی البتہ انفرا اسٹرکچر کو نقصان پہنچا ہے۔

دارالحکومت ہونیار کے مکینوں نے 20 سیکنڈز تک زلزلے کے جھٹکے محسوس کیے، امریکا کے زلزلہ پیما مرکز کے مطابق زلزلہ زیر زمین 13.6 کلو میٹر کی گہرائی میں آیا ہے، جس کا مرکز ساحل سے 18 کلومیٹر جنوب مغرب میں تھا اور اس کی شدت 7 تھی۔

زلزلہ گزرنے کے بعد تین آفٹرشاکس آئے جن کی شدت 6 ریکارڈ کی گئی جب کہ زلزلے کے فوری بعد سرکاری حکام نے سونامی کی وارننگ جاری کی جسے کچھ وقت بعد واپس لے لیا گیا، البتہ زلزلے سے ہونیار کا بڑا حصہ بجلی سے محروم ہوگیا۔



Source link

Leave a Comment

Your email address will not be published.